Jinżamm Arrestat Akkużat Li Nqabad B’Kilo Droga, Arma Tan-Nar U Saq Għal Fuq Il-Pulizija

Dalgħodu tressaq il-Qorti Kurt Buttigieg ta’ 39 sena mill-Marsa akkużat li kellu fil-pussess tiegħu kilo droga Kokaina, arma u munizzjoni mingħajr liċenzja tal-Pulizija. Huwa kien akkużat ukoll li naqas milli jobdi ordnijiet tal-Pulizija u prova jaħrab bil-konsegwenza li ħabat f’karozza tal-Pulizija.

Buttigieg ġie mressaq il-Qorti quddiem il-Maġistrat Claire Stafrace Zammit mill-ispetturi Justine Grech u Marshal Mallia fejn qalu li l-akkużat huwa reċidiv filwaqt li talbu li għandu jinżamm arrestat.

Filwaqt li d-difiża oġġezzjonat għal din it-talba, l-Qorti ċaħdet it-talba għal ħelsien mill-arrest u ordnat lil Kurt Buttigieg sabiex jibqa’ arrestat fil-Ħabs ta’ Kordin.