Stħarriġ Juri Lil Malta Fl-Ewwel Post Fl-Irkupru Mill-Pandemija
Malta tiġi klassifikata bħala l-aktar pajjiż fid-dinja li qed jagħmel suċċess fl-irkupru mill-pandemija.
Dan ħareġ minn stħarriġ li sar minn Nikkei Asia. Dalgħodu wkoll id-DPM u Ministru għas-Saħħa Chris Fearne ħabbar dan ir-riżultat fuq il-mezzi soċjali tiegħu.
Sa ftit ġimgħat ilu l-ewwel post kienet qed tokkupa iċ-Ċina b’70% tal-popolazzjoni mlaqqma, però l-pajjiż għadu qed iżomm miżuri stretti ħafna.
Min naħa l-oħra Malta ħadet l-ewwel post biċ-Ċilì u l-Bahrain isegwu warajna. Il-Filippini juri l-inqas progress fl-irkupru mill-pandemija fl-aħħar post.
Dan l-istħarriġ jinħadem fuq tliet fatturi prinċipali li huma r-rata ta’ tilqim, ir-rata ta’ infezzjonijiet u kemm il-poplu qed jgħix il-ħajja soċjali tiegħu bl-inqas restrizzjonijiet.
#Top spot 🇲🇹🇲🇹
(High vaccination, low infections; high social interaction) @NikkeiAsia pic.twitter.com/4NTFjnIKS5— Chris Fearne (@chrisfearne) October 8, 2021
Ritratt: Cliff Day / Shutterstock
