Imut Fonzu Tal-Ħamrun – Ikona Ħamruniża Maħbub Minn Kulħadd
Bosta huma maħsuda hekk kif ftit tal-ħin ilu ħalliena Fonzu tal-Ħamrun (Alphonse Farrugia). Ħafna huma dawk li qed itellgħu eloġji lil dan il-Ħamruniż tant maħbub; raġel b’qalb tad-deheb li għen lil ħafna nies.
Kien bniedem li dejjem baqa’ saqajh mal-art u rrispetta lil kulħadd.
Nigel Vella, President tal-Każin San Gejtanu tenna li kien hu li mbuttah lejn dan il-każin.
“Kien hu li kien iħeġġnini nistudja. Kien hu li kien jagħmili l-kuraġġ fix-xogħol tiegħi. Fonz mhu se ninsik qatt u grazzi ta’ dak kollu li għamilt, għal Ħamrun, għal Każin San Gejtanu u anke għalija”, saħaq Vella.
Fonzu ħalla jibku t-telfa tiegħu lil bosta ħbieb, iżda wkoll lil martu Carmen flimkien ma’ 7 ulied.
Minn Stradarjali.com, inwasslu l-kondoljanzi lill-familjari kollha u nsellmu lil Fonzu tal-Ħamrun.
Il-Funeral ser isir nhar l-Erbgħa li ġej 13 t’Otturbu fil-knisja ta’ San Gejtanu fil-Ħamrun fit-3pm.
