“Il-Ħsieb Tiegħi Jmur Lil Hinn Minn Dak Partiġġjan” – Alex Borg

Wara d-diskors tal-bieraħ, kont nistenna ħafna aktar fuq Għawdex u l-Għawdxin.

Issemmew diversi proposti, pero’ tħallew oħrajn barra wkoll:

✅ €30,000 għal ‘first-time buyers’ li jinvestu fi djar abbandunati f’Għawdex tajba ħafna 🤔 Issa j’Alla li xħin imorru għal self mill-bank biex jixtru jingħataw il-loan li jkollhom bżonn dawn il-koppji.

✅Tajjeb li ser jibda’ r-restawr fuq l-akwedotti għax hemm bżonn li nibżgħu għal dan il-wirt.

✅Tajjeb li għaddej ix-xogħol fuq il-pixxina u l-iskola primarja tar-Rabat 🤔 J’Alla dawn ma nerġgħux nisimgħu l-istess kliem is-sena d-dieħla fuqhom.

✅ Tajjeb li fl-aħħar il-ħaddiema mal-kuntrattur ser jibdew jitħallsu tal-Ħdud bid-doppja.

✅Trasport Pubbliku b’xejn hija proposta tajba ħafna, pero’ issa ma ninsewx l-effett li jista’ jkollha fuq meżżi ta’ trasport oħra 🤔 u għala dan ser iseħħ bħal llum sena u mhux fi ftit xhur oħra.

❌ Il-metro ma jissemma’ mkien wara ħafna pompa ftit jiem ilu.

❌ Ma jerġax jissemma r-raba’ vapur u ser nibqgħu inħallsu €15,000 kera ta’ kuljum.

❌ L-Isptar t’Għawdex nibqgħu nħallsu l-eluf kuljum mit-taxxi tal-poplu għal sptar li m’għadhux tagħna, flok ħdimna biex dan inġibuh lura.

❌ L-ebda ħsieb għal spazju miftuħ għall-familji tagħna.

❌ Il-‘breakwater’ ta’ Marsalforn jerġa’ ma jissemma’ mkien u nibqgħu nistennew. Lanqas kif ser tiġi solvuta l-problema tal-Port tal-Mġarr għad detriment tas-sajjieda.

❌ Id-dar tal-anzjani li kien beda’ dan il-Gvern stess, tibqa’ fuq l-ixkaffa.