Raġel Irrapportat Nieqes Wara Li Niżel Jgħodds F’Birżebbuġa

Fl-inħawi ta’ Birżebbuġa għaddejja tfittxija għal Danilo Scolari ta’ 42 sena li ġie rrappurtat nieqes lill-Pulizija.

Danilo Scolari huwa Taljan li ilu jgħix Malta għal bosta snin. Huwa deher l-aħħar nhar il-Ħadd filgħodu meta niżel jgħodds fl-inħawi tal-Port il-Ħieles f’Birżebbuġa, u kien liebes wetsuit camouflage.

Fi tfittxija li saret fuq l-art il-pulizija sabu l-mutur ta’ Scolari u xi oġġetti oħrajn li ħalla warajh qabel niżel jgħodds.

Kull min għandu xi informazzjoni dwar din il-persuna, jista’ jgħaddiha lill-Pulizija, anke b’mod kunfidenzjali fuq in-numri tal-Kwartieri Ġenerali tal-Pulizija 21 224001 / 119 jew fl-eqreb Għassa tal-Pulizija.