Rejd B’Aktar Minn 100 Pulizija Jkisser Ċirku Ta’ Traffikar Ta’ Droga Kbir Bejn Malta U Sqallija

F’Katanja, il-Pulizija Taljana arrestaw 16-il persuna b’rabta ma’ ċirku kbir ta’ traffikar tad-droga bejn Malta u Sqallija.

Waqt dan ir-rejd kbir li sar kmieni dalgħodu ġew ikkonfiskati mal-423 kilogramma droga.

F’din l-operazzjoni mill-Pulizija Taljana bl-isem ta’ ‘Operation La Valletta’ ħadu sehem aktar minn 100 uffiċjal tal-pulizija fi ħdan il-Guardia di Finanza u għadd ta’ dipartiment oħrajn involuti fil-ġlieda kontra traffikar tad-droga.

Huwa konfermat li saru arresti f’Katanja, f’Ragusa, f’Siracusa u f’Calabria. Rapporti qed jindikaw li saru xi arresti f’Malta wkoll.

Skond il-midja Taljana qalu fost is-16-il persuna arrestati hemm Taljani, Albaniżi u Maltin.

Dan l-arrest sar wara li nħareġ mandat ta’ arrest mill-awtoritajiet ġudizzjarji fi Sqallija.

Aktar dettalji fil-ħin li ġej.