Ir-Raġel Li Għex Ta’ Eremit Għal 40 Sena Sħaħ

Għal 40 sena sħaħ, Ken Smith għex ħajja differenti minn dik li noħolmu. Bla elettriku u bla ilma. Għex f’kabina li bena hu stess miz-zkuk tal-injam fl-Iskozja maġenb xmara.

“Hija ħajja sabiħa. Kulħadd jgħid li jrid jagħmilha u ħadd ma jagħmilha”, qal Ken Smith f’intervista ma’ BBC.

Għandu l-età ta’ 74 sena u jgħix bl-ikel li jsib fin-natura u mis-sajd. Qal li wara li sofra minn puplesija, kellu jaċċetta għajnuna minn terzi fejn is-soltu dejjem fenda għal rasu.