Sofra Ġrieħi Gravi Wara Li Ħabat F’Żewġ Gafef
Raġel ta’ 32 sena weġġa’ gravi wara li ħabat f’żewġ gafef.
L-aċċident seħħ kmieni dalgħodu, għall-ħabta tal-3:45am, fi Triq Għajn Dwieli, Raħal il-Ġdid.
Il-Pulizija marret immedjatament fuq il-post u mill-ewwel investigazzjonijiet irriżulta li raġel ta’ 32 sena minn Ħaż-Żabbar kien ħabat bil-vettura Audi A3 f’xi barrikati tal-plastic u żewġ gafef li kienu qed jintużaw għal xogħolijiet fl-istess triq.
Il-vittma ngħata l-għajnuna minn tim mediku u membri mid-Dipartiment tal-Protezzjoni Ċivili. Huwa ittieħed l-Isptar Mater Dei b’ambulanza u ġie ċċertifikat li weġġa’gravi.
Il-Pulizija għaddejja bl-investigazzjonijiet fuq il-każ.
