Mara Ta’ 31 Sena Weġġgħet Gravi Wara Li Nqalbet Bil-Karozza F’Għawdex
Mara ta’ 31 sena miż-Żebbuġ, Għawdex sofriet ġrieħi gravi wara li tilfet il-kontroll tal-karozza u nqalbet.
L-aċċident seħħ ilbieraħ, għall-ħabta tal-11:30pm, fi Triq l-Għarb, l-Għarb, Għawdex.
Fuq il-post issejħu l-membri tal-Protezzjoni Ċivili u tim mediku sabiex jassistu, u ambulanza ħadet lill-mara l-Isptar Ġenerali t’Għawdex għall-kura meħtieġa.
Aktar tard, hi ġiet iċċertifikata li weġġgħet gravi.
L-investigazzjonijiet tal-Pulizija għadhom għaddejjin.
