Melita Twettaq Tiswijiet Fuq Fibre Cable Li Ġarrab Ħsara Minn Terzi
Melita Limited bħalissa qed isewwi fibre cable li saritlu ħsara estensiva aktar kmieni llum minn terzi. Il-ħsara qed tolqot is-servizzi kollha ta’ Melita.
L-inħawi u l-lokalitajiet milquta huma: Birgu, Birżebbuġia, Bormla, Bulebel, Delimara, Fawwara, Fgura, Għaxaq, Gudja, Ħal Far, Kalkara, Kirkop, Kordin, Marsa, Marsaskala, Marsaxlokk, MIA, Mqabba, Paola, Qajjenza, Qrendi, Ħal Safi, l-Isla, Smart City, Santa Luċija, Ħal Tarxien, ix-Xgħajra, Ħaż-Żabbar, iż-Żejtun, u ż-Żurrieq.
It-tiswijiet ta’ emerġenza qed isiru mit-tim tal-Melita sabiex jissewwew kompletament u s-servizz għandu jiġi restawrat sat-3.00pm illum. Il-klijenti huma mfakkra li sejħiet ta’ emerġenza lill-112 huma ddisinjati biex jaħdmu mill-mowbajl matul kwalunkwe interruzzjoni tas-servizz.
Il-klijenti jistgħu jsegwu l-aġġornamenti regolari fuq https://www.facebook.com/MelitaNew/
