Ir-Russi Jattakkaw Teatru B’1,000 Ruħ Li Kienu Qed Jistkennu Fih
Hekk kif l-attakki fuq l-Ukrajna mir-Russi daħlu fit-tielet ġimgħa tagħhom fl-aħħar sigħat ħarġet l-aħbar dwar attakk orribbli li seħħ fil-belt Ukrena ta’ Mariupol.
Diversi rapporti kkonfermaw kif truppi Russi ibbumbardjaw it-Teatru Reġjonali ta’ Donetsk, li kien qed jintuża biex jistkennu n-nies fih.
Skont il-Viċi Sindku ta’ Mariupol, Serhiy Orlov, fit-teatru kienu qed jistkennu bejn 1,000 u 1,200 persuna.
Fi stqarrija, il-Kunsill ta’ Mariupol iddeskriva dan l-attakk bħala orribbli u diżuman. Bil-President Ukren Zelenskyy jikkonferma li t-teatru kien distrutt totalment, bin-numru ta’ mejta għadu mhux magħruf. Dan minħabba li minħabba li l-attakki għadhom għaddejjin ma jistgħux jassistu lill-vittmi.
Min-naħa l-oħra l-Ministru tad-Difiża Russa qed jiċħad dan l-attakk.
F’messaġġ fuq il-mezzi soċjali tiegħu l-Ministru għall-Affarijiet Barranin Ukren, Dmytro Kuleba qal li dan huwa attakk orribbli u li l-forzi Russi ma setgħux ma kinux jafu li f’dan it-teatru kien hemm mijiet ta’ persuni li ma jaħtu xejn u li kienu qed jistkennu mill-bumbardamenti.
Another horrendous war crime in Mariupol. Massive Russian attack on the Drama Theater where hundreds of innocent civilians were hiding. The building is now fully ruined. Russians could not have not known this was a civilian shelter. Save Mariupol! Stop Russian war criminals! pic.twitter.com/bIQLxe7mli
— Dmytro Kuleba (@DmytroKuleba) March 16, 2022
