Sewwieq Ta’ Mutur Iweġġa’ Gravi F’Ħabta Ma’ Karozza F’Ħal Tarxien

Sewwieq ta’ mutur sofra ġrieħi gravi wara li kien involut f’ħabta ma’ karozza.

L-aċċident seħħ ilbieraħ, għall-ħabta tal-4:30pm, fi Triq San Anard, Ħal Tarxien.

Mill-ewwel stħarriġ irriżulta li seħħet ħabta bejn Nissan NV350, misjuq minn raġel ta’ 20 sena residenti l-Fgura, u mutur Junak 123, misjuq minn Pollakk ta’ 45 sena residenti Wied il-Għajn.

Fuq il-post issejjaħ tim mediku u ambulanza ħadet lis-sewwieq tal-mutur l-Isptar Mater Dei sabiex jingħata l-kura meħtieġa. Aktar tard, hu ġie ċċertifikat li qed isofri minn ġrieħi gravi.

L-investigazzjonijiet tal-Pulizija għadhom għaddejjin.