Taħrab Tigra Miċ-Ċirku Ta’ Pozzallo U Tiżbrana Mohor
Ilbieraħ filgħodu ħarbet tigra miċ-ċirku ta’ Sandra Orfei f’ Pozzallo. Minnufih inqala’ paniku fejn issejħu wkoll il-Carabinieri, il-Pulizija tal-istat u dawk lokali.
Il-propjetarji taċ-ċirku stess irnexxielhom isibu t-tigra u ħaduha lura fiċ-ċirku fejn sadanittant, żbranat mohor (żiemel żgħir/pony) hekk kif sabet ruħha miegħu kif daħlet lura.
Bosta huma dawk li huma kontra ċ-ċirku fejn iqisu l-fatt li annimal jinżamm f’gaġġa hija krudeltà kbira. It-Taljani jidher li għadhom ‘il bogħod biex iwaqqfu dawn l-ispettakli, tant li filgħaxija, l-istess ċirku kien ippakkjat bin-nies qisu qatt ma ġara.
Povru mohor.
Ritratt: Ragusanews.com
