Qabda Rekord Ta’ Kokaina Fil-Port Ħieles B’Valur Ta’ €300 Miljun

Id-Dwana ta’ Malta nterċettat rekord ta’ 1,494 tunnellata ta’ kokaina fil-Freeport ta’ Malta.

Fi stqarrija d-Dwana qalet li Uffiċjali tagħha li kienu stazzjonati fil-Freeport, interċettaw 50 borża li fihom kien hemm 1,494 blokka ta’ kokaina, li jiżnu kilogramma kull wieħed.

Id-droga nstabet f’kontejner, li kien qed jittrasporta l-banana, u kien ġej mill-Kolombja għal Koper fis-Slovenja.

Il-każ għadda f’idejn il-Korp tal-Pulizija, għal aktar investigazzjoni fejn infetħet inkjesta li qed titmexxa mill-Maġistrat Lenard Caruana.

Din il-qabda hija waħda storika kemm fil-piż kif ukoll fil-valur ta’ flus, hekk kif din il-qabda qed tkun stmata li għandha valur ta’ €300 miljun.