Anzjana Ssofri Ġrieħi Serji

Illum, għall-ħabta tas-sebgħa u nofs ta’ filgħodu, il-Pulizija ġiet infurmata li kien hemm bżonn l-assistenza f’residenza tal-anzjani, f’Ħal Luqa.

Il-Pulizija marret minnufih fuq il-post u minn stħarriġ preliminari li sar, irriżulta li mara ta’ 92 sena, waqgħet għoli ta’ madwar sular u nofs minn tieqa.

Fuq il-post issejjaħ tim mediku sabiex jassisti u ambulanza ħadet lill-vittma l-Isptar Mater Dei għall-kura meħtieġa. Aktar tard, l-anzjana ġiet iċċertifikata bi ġrieħi serji.

Bil-każ ġiet infurmata l-Maġistrat tal-Għassa Dr Elaine Mercieca li fetħet inkjesta filwaqt li l-investigazzjonijiet tal-Pulizija għadhom għaddejjin.