Ambulanza Sponsorjata Mill-Grand Commandery Of The Castello Mogħtija Lil WIN
Il-Grand Commandery of the Castello (GCC), ġurisdizzjoni tal-Ordni Militari u Ospitalliera ta’ San Lazzru ta’ Ġerusalemm, ibbażata f’Torri Lanzun fil Mensija, tat ambulanza ġdida fjamanta lil Women in Need (WIN) fl-Indja.
Dan il-proġett tnieda f’Dicembru 2019 u sal-bidu ta’ Marzu 2020 kienu nġabru l-fondi meħtieġa. Iżda, minħabba r-restrizzjonijiet tal-Covid, kien hemm muntanja ta’ burokrazija x’tingħeleb f’dak il-pajjiż, iżda issa l-progett sar realtà.
L-ambulanza illum tinsab fit-triq tassisti lil nisa foqra u żvantaġġati fl-Indja. Din hi t-tieni ambulanza pprovduta mill-Grand Commandery of the Castello lill-WIN. Aktar tagħrif minn: https://www.facebook.com/groups/198361391804533
Ritratt: Ambulanza mogħtija lill-WIN mill-GCC.
