€52.3Miljun: Approvat L-Ewwel Programm Ta’ Fondi Ewropej Għal Malta
Il-Kummissjoni Ewropea għadha kif approvat l-ewwel programm ta’ fondi ewropej għal Malta għas-snin 2021-2027. L-ewwel programm li ġie approvat mill-Kummissjoni Ewropea kien il-Fond għall-Ażil, Migrazzjoni u Integrazzjoni. Pajjiżna ingħata €52.3 Miljun għal dan fond, fondi li se jintużaw biex fost oħrajn tkompli tiġi indirizzata l-isfida tal-immigrazzjoni irregolari.
Bis-saħħa tal-Prim Ministru Robert Abela għandna allokazzjoni ta’ €2.25 Biljun, l-ikbar pakkett finanzjarju ta’ fondi ewropej disponibbli li qatt ingħata pajjiżna.
F’kitba fuq facebook, is-Segretarju Parlamentari għal Fondi Ewropej Chris Bonett qal ”Inħares ‘il quddiem sabiex fil-ġimgħat li ġejjien il-Kummissjoni Ewropea tkompli tapprova aktar programmi operattivi u nibdew nimplimentaw proġett f’diversi setturi fosthom saħħa, edukazzjoni u infrastruttura.”
