Tallinja Servizz Speċjali Għal Notte Bianca
B’eluf mistennija jagħmlu triqthom lejn il-Belt Valletta fl-1 t’Ottubru 2022 għall-edizzjoni ta’ Notte Bianca ta’ din is-sena, Malta Public Transport se tkun qed topera Servizz Speċjali biex tiffaċilita l-ivvjaġġar għan-nies li jżuru din is-serata ta’ ċelebrazzjoni tal-arti u l-kultura fil-Belt Kapitali. Is-servizz speċjali se jaħbat ukoll mat-tnedija tat-trasport pubbliku b’xejn għal dawk kollha li għandhom Tallinja Card personalizzata valida.
Ir-rotot li sejrin lejn il-Belt se jsiru aktar ta’ spiss mill-16:30hrs biex jilqgħu għall-volum għoli mistenni ta’ passiġġieri. Il-passiġġieri jistgħu jieħdu wkoll ir-Rotta 133 tul id-dawra tal-Belt Valletta, li se topera b’ħinijiet estiżi bejn il-17:00hrs u 00:00hrs. Fi triqithom lura n-nies jistgħu jagħmlu użu mill-Park & Ride tal-Marsa Addolorata li titlaq minn Valletta Bay A1 lejn il-Marsa kull 30 minuta mill-23:00hrs sas-01:00hrs. Bl-istess mod, it-tluq ta’ Pembroke Park & Ride minn Valletta Bay A15 se ssir kull 30 minuta mill-23:00hrs sas-01:00hrs.
Barra minn hekk, ir-rotot tas-Servizz Speċjali se jitilqu minn Valletta Terminus kif ġej:
∙Ir-rotta S10 se titlaq minn Valletta Bay A2 kull 30 minuta mill-23:00hrs sas-01:30hrs
∙Ir-rotta S50 se titlaq minn Valletta Bay A3 kull 20 minuta mill-23:00hrs sa 00:00hrs u kull 30 minuta minn 00:00hrs sas-01:30hrs
∙Ir-rotta S60 se titlaq minn Valletta Bay A4 kull 20 minuta mit-23:00hrs sa 00:00hrs u kull 30 minuta minn 00:00hrs sas-01:30hrs
∙Ir-rotta S70 se titlaq minn Valletta Bay A5 kull 20 minuta mill-23:00hrs sa 00:00hrs u kull 30 minuta minn 00:00hrs sas-01:30hrs
∙Ir-rotta S80 se titlaq minn Valletta Bay A6 kull 15-il minuta mill-23:00hrs sal-00:15hrs u kull 30 minuta mill-00:15hrs sas-01:45hrs
∙Ir-rotta S90 se titlaq minn Valletta Bay A7 kull 15-il minuta mill-23:00hrs sal-00:15hrs u kull 30 minuta mill-00:15hrs sas-01:45hrs
∙Ir-rotta S20 se titlaq minn Valletta Bay A8 kull 30 minuta mill-23:00hrs sa 00:00hrs u kull 20 minuta minn 00:00hrs sas-01:40hrs
∙Ir-rotta S30 se titlaq minn Valletta Bay A9 kull 15-il minuta mill-23:00hrs sa 00:00hrs u kull 20 minuta mis-01:00hrs sas-02:00hrs
∙Ir-rotta S40 se titlaq mill-Bajja tal-Belt Valletta A10 kull 20 minuta mill-23:00hrs sas-01:00hrs bl-aħħar vjaġġ ikun fis-01:30hrs.
∙Ir-rotta S41 se titlaq minn Valletta Bay A11 kull 15-il minuta mill-23:00hrs sa 00:00hrs u kull 30 minuta minn 00:00hrs sas-01:30hrs.
∙Ir-rotta N13 ser ikollha tluq minn Valletta Bay A12 u A13 skont l-iskeda normali bi vjaġġi żejda allokati skont id-domanda tal-pubbliku fil-lejl.
∙Ir-rotta S212 se titlaq minn Valletta Bay A14 kull 30 minuta mill-23:00hrs sas-01:00hrs bi vjaġġi żejda allokati skont id-domanda tal-pubbliku matul dak il-lejl.
Għal aktar konvenjenza u sigurtà se jkunu preżenti karozzi tal-linja, sewwieqa u inġiniera addizzjonali biex jiġu skjerati kif meħtieġ.
Malta Public Transport tixtieq tfakkar lill-pubbliku li sabiex jibbenefikaw mit-trasport pubbliku b’xejn mill-1 t’Ottubru ’l quddiem, il-passiġġieri huma meħtieġa li jkollhom Tallinja Card personalizzata valida u jivvalidawha mal-magna tal-biljetti kull darba li jitilgħu fuq il-karozza tal-linja. Passiġġieri mingħajr Tallinja Card iridu jixtru l-biljett tagħhom abbord il-karozza tal-linja.
Għal aktar tagħrif, inklużi dettalji tar-rotot tal-karozzi tal-linja u FAQs dwar l-iskema tat-trasport pubbliku b’xejn, wieħed jista’ jżur is-sit https://www.publictransport.com.mt/en/nottebianca2022 jew iċempel fuq 2122 2000.
