Illum Jibdew L-Iskedi Tal-Istazzjonijiet Nazzjonali
L-iskeda l-ġdida tal-istazzjonijiet Nazzjonali TVM tibda mil-lum it-Tnejn 3 ta’ Ottubru b’għażla ta’ programmi minn kmieni filgħodu sa tard filgħaxija.
Infatti, Keith Demicoli jibda l-ġurnata bil-programm TVAM fis-6.30am. FitAM u Għaddi s’hawn jissoktaw filgħodu. Wara nofsinhar, Angela Agius tirritorna bl-14-il edizzjoni ta’ Niskata u Stephanie Spiteri twassal edizzjoni oħra ta’ Illum Ma’ Steph. Kuljum ukoll filgħaxija, Rondevu, Moħħok Hemm, Ninvestigaw x’qed nieklu u Ben&Co.
Wara l-aħbarijiet nhar ta’ Tnejn il-programm ta’ ġrajjiet kurrenti Xtra, it-Tlieta d-drama Ta’ Gerit, l-Erbgħa l-programm ta’ diskussjoni Popolin, il-Ħamis il-programm ġdid l-Assedji, il-Ġimgħa umbgħad l-ewwel edizzjoni ta’ The Voice Kids Malta, John Bundy għas-Sibt filgħaxija b’Bundytime u l-Ħadd, Change Makers.
Apparti l-iskeda tal-istazzjon prinċipali TVM, mil-lum tibda l-iskeda ta’ TVMNews+ u jissoktaw ix-xandiriet fuq l-istazzjon il-ġdid TVMSport+. Apparti dan, jibdew ukoll l-iskedi tal-istazzjonijiet tar-radju fi ħdan il-PBS.
