Enlightened Universe – Sfera Li Tivvjaġġa Fi Bliet Differenti Biex Timmarka Jum In-Nazzjonijiet Uniti
Fi Pjazza San Ġorġ fil-Belt Valletta llum wieħed jista’ jara sfera mdaqqsa, xogħol l-artist Spanjol Cristobal Gabarron. Din ġiet inawgurata f’Central Park fi New York fl-24 t’Ottubru tal-2015 mis-Segretarju Ġenerali tan-Nazzjonijiet Uniti Ban Ki-Moon biex tfakkar is-70 sena mit-twaqqif tal-UN.
Bl-isem ta’ Enlightened Universe, din l-isfera tivvjaġġa minn belt għall-oħra kull sena biex ikun imfakkar Jum in-Nazzjonijiet Uniti nhar l-24 ta’ Ottubru u Jum id-Drittijiet tal-Bniedem nhar l-10 ta’ Diċembru.
Din l-inizjattiva qed issir b’kollaborazzjoni bejn l-Ambaxxata ta’ Malta fi Spanja bis-sapport tal-Awtorità Maltija għat-Turiżmu. L-installazzjoni hija kkurata mill-artist Rupert Cefai.
Din se tkun inawgurata għada; il-21 t’Ottubru fin-12.30 mill-Ministru għall-Affarijiet Barranin u Ewropej Dr Ian Borg, il-Ministru għall-Kultura, Arti u Gvern Lokali Dr Owen Bonnici u l-Ministru għat-Turiżmu Clayton Bartolo. L-artist Cristobal Gabarron se jkun preżenti.
Ritratt: https://www.instagram.com/BestinMalta.today/
