Akne fl-adulti

Qatt kellek jew taf x’inhi l-akne? Qatt fittixt l-għajnuna professjonali minn ‘dermatologist’?

L-akne tista’ tkun frustranti, speċjalment meta ma titlaqx wara l-adoloxxenza. Temmen jew le, l-akne tista’ tkompli taffettwa lill-adulti lil hinn mill-adolexxenza, jew tiżviluppa għall-ewwel darba fl-età adulta. Dan jista’ jkun iktar assoċjat partikolarment man-nisa adulti, li huma aktar probabbli li jkollhom akne wara l-età ta’ 20 meta mqabbla mal-irġiel. Dermatologu ċċertifikat mill-bord jista’ jgħin biex jiddetermina t-trattament xieraq għat-tip ta’ akne li għandek.

Akne femminili

Akne f’ nisa adulti jidher simili ħafna għall-akne fl-adoloxxenti. Filwaqt li l-akne għall-adulti huwa maħsub li jaffettwa l-linja tax-xedaq u l-geddum, jista’ jidher fuq kwalunkwe parti tal-wiċċ jew tal-għonq. Nisa adulti jista’ jkollhom pori misduda, ħotob infjammati mimlija materja, jew ċisti fil-fond. Sfortunatament, għażliet ta’ trattament li ħadmu tajjeb fl-adoloxxenza jistgħu ma jaħdmux tajjeb f’nisa adulti bl-akne, minħabba fatturi li jqanqlu bħal żbilanċ ormonali, stress u dieta.

Hemm ħafna raġunijiet għalfejn nisa adulti jistgħu jkollhom l-akne. Disturbi ormonali kkawżati minn tqala, ċiklu mestrwali, menopawsa, u kontraċettivi orali jistgħu jikkontribwixxu għall-akne billi jimmodifikaw il-produzzjoni ta ‘ċerti ormoni. Dawn l-ormoni jistimulaw il-produzzjoni taż-żejt fil-ġilda, fejn naraw ukoll L-istress jista’ jżid il-produzzjoni ta’ sustanzi li jattivaw il-glandoli taż-żejt fil-ġilda ta’ pazjenti bl-akne. Il-konsum ta’ prodotti tal-ħalib u ikel b’livell gliċemiku għoli huwa wkoll marbut mal-akne. Ċerti prodotti tax-xagħar jew tal-ġilda jistgħu jinstaddu l-pori u jikkawżaw akne comedonal (blackheads u whiteheads).

Akne fl-irġiel

Hekk kif in-nisa jkollhom l-akne, l-irġiel ukoll jista’ jkollhom l-akne fejn jitilgħu l-aktar fuq il-wiċċ u d-dahar. ‘Breakouts’ ta’ spiss iseħħu f’ temp kemm xejn sħun jew wara l-eżerċizzju speċjalment jekk tegħreq ħafna, dan jista’ jagħmel l-akne agħar. Xi irġiel ikollhom ħotob tal-leħja li jidhru qishom akne, iżda ‘ingrown hair’ jew żbalji tal-leħja huma l-kawża reali.

Trattamenti tal-akne:

• Huwa ferm importanti li żżomm il-ġilda tiegħek nadifa ta’ spiss u kif ukoll ta’ kuljum. Ħafna mill-‘cleansers’ huma disponibbli fl-ispiżeriji.
• B’mod ġenerali, evita prodotti bi żibeġ fihom, minħabba li jistgħu jirritaw il-ġilda tiegħek.
• Importanti ukoll li taħsel wiċċek darbtejn kuljum.

Jekk dawn il-prodotti ma jgħinux, dermatologu jista’ jippreskrivi diversi trattamenti oħra:

• Antibijotiċi meħuda mill-ħalq jew ‘creams’ li jingħorok fil-ġilda jgħinu fil-kontroll tal-batterja.
• Derivattivi tal-Vitamina A, magħrufa bħala retinojdi, jgħinu biex jinħallu l-pori u jżommuhom maħlula.
• Mediċini anti-infjammatorji magħrufa bħala kortikosterojdi jistgħu jiġu injettati direttament f’ċesti infjammati minn tabib biex irażżnu eruzzjonijiet severi.