Aqra: 6 raġunijiet għaliex l-ikel gluten free huwa għoli

Dieta gluten free huwa l-uniku trattament biex tneħħi jew tnaqqas din il-kundizzjoni. Il-gluten huwa misjub fi prodotti tal-qamħ u x-xgħir. Meta tkun fuq dieta gluten free tista’ tiekol laħmijiet, ħut, frott u ħaxix, ross u anke patata. Tista’ wkoll issib ikel simili għal dak li jkun ipproduċut mill-qamħ u x-xgħir imma ovvjament, mingħajrhom.

Dawn ikunu jiswew iżjed flus mill-prodotti normali u dawn huma xi raġunijiet għaliex:

1. Inqas domanda għalihom. Bla dubju, mhux il-maġġoranza li tixtriehom prodotti gluten free allura trid issir manifattura tagħhom. Min joħloq il-prodott mhux se jbiegħu daqs prodotti oħra.
2. Iridu jsiru f’faċilitajiet apposta. Biex isir prodott hekk, ikun hemm għodod apposta għalihom allura, makkinarju apposta. Allura, bla dubju, iżjed flus joħorġu mill-bwiet ta’ min qed ilestilek dak li tixtieq.
3. Ingredjenti għola. Il-qamħ huwa rħis u tajjeb għat-tisjir. Prodott gluten free irid taħlitqa ta’ qmuħ apposta, dqiq u starches li jtuk almenu togħma viċin il-prodott li kieku tieħu jekk m’intix gluten free.
4. Ħajja iqsar tal-prodott fuq l-ixkaffa. Prodotti gluten free ma jdumux ħafna biex jiskadu. Dan ifisser iżjed ħela. Iridu preservazzjoni aħjar minn prodotti normali.
5. Attenzjoni akbar fir-ristoranti. L-istaff irid ikun ittrenjat għal każijiet li jinqalgħu f’ristoranti meta prodott mhux gluten free jittiekel jew jitpoġġa fil-platt li mhux suppost. Dan ifisser ukoll li fir-ristorant irid ikun hemm post apposta fejn ikun hemm dawn it-tip ta’ prodotti biex ma jitħalltux mal-oħrajn.
6. Għax jafu wkoll li int bżonnu. Min joħloq il-prodott jaf li hemm nies li jridu bilfors minnu biex iħossuhom normali allura, dan il-fatt psikoloġiku jinfluwenza l-ħsieb tal-manifattura, u għalhekk jgħollieh. Jew tixtrieh inkella tibqa’ bil-ġuħ.

Issib nies li ġaladarba jtulu ftit fuq dieta gluten free, jerġgħu jiġu għan-normal. Imma attenti. Ħudu pariri professjonali dejjem.