Affarijiet strambi u tad-daħk li t-tfal qalu lill-adulti…
It-tfal kapaċi jġiegħeluk tħossok l-aktar persuna speċjali fid-dinja f’mument, u wara joħorġu b’xi kumment stramb iżda innoċenti li kapaċi jitfgħek fi kriżi identika. Dawn huma ftit kummenti internazzjonali li ltqajna magħhom aħna ta’ Strada Rjali.
- Missier kien qed jimxi fi triq bi ħwienet differenti mat-tfal tiegħu, fil-pront wieħed waqaf quddiem ħanut, ipponta sebgħu lejn tazza tal-inbid u qal lil missieru: “Ara pa, dik it-tip ta’ tazza li tħobb in-nanna”.
- Omm kienet se takkumpanja lit-tifel tagħha waqt ħarġa tal-iskola, ftit ġranet qabel ma marru, it-tifel qalilha: “Ma nispera li tiġi suret in-nies. Kif inti bħalissa. Mhux kif tkun meta twassalni l-iskola filgħodu.”
- Tifla ta’ 4 snin qalet lil ommha li kienet se tomxotilha xagħarha…iżda minflok ressqet il-moxt lejn xagħar ommha, marret għal geddumha.
- Omm xtrat threadmill biex tibda tagħmel eżerċizzju d-dar. Staqsiet lit-tifla tagħha jekk taħsibx li t-threadmill se tgħinha ssebbaħ il-figura tagħha. It-tifla ta’ erba’ snin wieġbet: “Ifhem, mhix bakketta maġika.”
- Missier kien qed jilgħab ma’ bintu meta din talbitu biex jgħaddilha l-flixkun tagħha tal-ilma. Meta għamel dan, weġbitu: “Grazzi xiħ!” Hu baqa’ jħares lejha… u hi kompliet: “Xiex? Għandek ix-xagħar abjad fil-leħja, dan ifisser li int xiħ.”
- Tifel dar fuq ommu u qalilha: “Meta nikber se jkollu l-mustaċċi. Mhux bħal tiegħek, bħal tal-papa’”.
- Tifla marret tgħannaq lil ommha u ppruvat iddawwar idejha magħha. Fil-pront qaltilha: “Kemm int wiesgħa ma!”
- Tifla li raqdet għand in-nanna tagħha, fl-istess sodda, filgħodu qaltliha: “Nann, ma naħsibx li se norqod aktar fis-sodda miegħek, għax tonħor qisek ħanżir!”
- Koppja kienu viċin pixxina mat-tifel tagħhom, iżda l-omm ma setgħetx issib lill-missier. Staqsiet lit-tifel: “Fejn qiegħed missierek?” Hu kien pront u wieġeb: “Forsi ltaqa’ ma’ xi ħadd ieħor!”
- Mara qalet li t-tifel darba staqsiha: “Kemm kellek żmien meta ma kontx xiħa?”
Lilkom għaddewlkom kummenti strambi t-tfal? Għidulna fil-kummenti!
