Soppa tal-pastard mixwi
Hekk kif it-temp jibda jiksaħ xi ftit, jibda jiġina l-aptit għal xi platt sħun, minn dawk li trid tikolhom bl-imgħarfa. Hemm ħafna riċetti minn fejn wieħed jagħżel, fosthom brodu, minestra, kawlata u għadd kbir ta’ sopop. Is-soppa ta’ llum hija magħmula fuq bażi ta’ pastard, ħaxix li huwa mimli bil-fibra
Il-mod ta’ kif wieħed jista’ jservi din ir-riċetta hu xi ftit oriġinali, u appetituż, (apparti li tista’ tiffranka xi ftit mill-ħasil tal-platti)
Filmat tar-riċetta hawn
Ingredjenti
Nofs pastarda imqatta’ – Catania & Cini Ltd
Biċċtejn kurrat – Catania & Cini Ltd
4 sinniet tewm
Patata mqatta’
Żejt taż-żebbuġa
Melħ – Lamb Brand & Loaded Pantry
Bżar – Lamb Brand & Loaded Pantry
Kuċċarina ħwawar imħallta – Lamb Brand & Loaded Pantry
Kuċċarina paprika – Lamb Brand & Loaded Pantry
250 millilitru ħalib
350 millilitru ilma bl-istokk tal-ħaxix
Ħobża tal-malti mħaffra (mingħajr qalba)
Metodu
Fuq dixx li se ddaħħal fil-forn, ferrex il-pastard, kurrat, patata u t-tewm
Skont kemm tiggosta, itfa’ melħ, bżar, flimkien mal-paprika u l- ħwawar imħallta
Ixwi fil-forn sakemm jirtabu u jiġu kulur dehebi
Kif isiru, ixħet kollox f’borma u żid il-ħalib u l-ilma bl-istokk
Ħallihom jisħnu u agħffeġ bil-blender
Servi fil-ħobża tal-Malti, u żejjen bil-kurrat
