8 fatti li x’aktarx ma kontx taf fuq iż-żiemel
Kull annimal għandu s-sbuħija u l-karatteristiċi tiegħu. L-annimali minkejja kollox kapaċi jkunu l-aqwa ħabib tal-bniedem, anke jekk ma jitkellimx verbalment. Annimal ħlejju u interessanti huwa ż-żiemel u llum ser naraw xi aspetti li jikkaratterizzaw lil dan il-ħlejqa.
- Iż-żiemel ma jinsiex!
Il-memorja taż-żiemel mhix waħda ċkejkna. Ħafna mill-atteġġjamenti tiegħu huma riżultat ta’ dak li jkun għadda matul ħajtu. Fil-fatt, waqt l-irqad, iż-żiemel jerġa’ jgħaddi minn moħħu dak li jkun għamel matul il-ġurnata u jaħżnu fil-memorja tiegħu.
- Iħobb ikun jaf
Iż-żiemel huwa meqjuq bħala annimal insigur u mistħi. Għaldaqstant, hija fin-natura tiegħu li jfittex li jifhem dak li jkun għaddej madwaru speċjalment jekk isib ruħu f’ambjent ġdid. Għalih dan kollu importanti għaliex jgħinu jipprepara ruħu kemm-il darba tinqala’ xi sitwazzjoni perikoluża.
- Huwa protettiv
Fil-verità iż-żiemel mhux annimal individwalist. Il-kumpanija ta’ żwiemel oħra tagħtih ċertu kumdità. Huwa lest li jipperikola ħajtu biex jipproteġi żwiemel oħra.
- Sensittiv għat-temp
Iż-żiemel imdorri jantiċpa ruħu minn qabel jekk ixomm xi forma ta’ periklu. Tant hu hekk li jjekk tkun riesqa xi maltempata, jkun wieħed mill-ewwel li jinduna. Fil-fatt, meta dan iseħħ tkun tista’ tinnota kemm żiemel ikun nervuż u kapaċi jkun ukoll xi ftit aggressiv.
- Jikkomunika b’widnejh ukoll
Żiemel ma jikkomunikax biss xħin jiżher. Grazzi għall-għajnejn imma anke għall-widnejn, ż-żwiemel jikkomunikaw ħafna bejniethom. Biss biss, hemm xejn inqas minn 16-il muskolu li jmexxu sal-inqas ċaqliqa ta’ widnejh. Bil-moviment ta’ widnejh flimkien ma’ dak t’għajnejh, iż-żiemel ikun jista’ jħoss, javża, imma anke jesprimi ħafna emozzjonijiet kemm ta’ ferħ, ta’ rabja u anke ta’ biża’.
- Jara tajjeb ħafna
Il-viżjoni taż-żiemel hija qawwija ħafna. Il-mod kif inhuma mfassla għajnejh jara sa 340o . Mid-dehra, dak li tara l-għajn ix-xellugija ma tarahx il-leminija.
- Mhux dejjem jorqod bilwieqfa
Jekk ikun jista’, żiemel jippreferi jimtedd fuq ġenbu. Madanakollu, jekk għal xi raġuni jew oħra ma jkunx possibli, jieħu ngħasa anke bilwieqfa.
- Snienu dejjem jikbru
Snien iż-żiemel ma jieqfu jikbru qatt, għall-inqas sa għoxrin sena ħajja. fil-verità jekk wieħed irid jiskopri kemm għandu żmien żiemel għandu jħares lejn snienu. Dawn tal-aħħar juru wkoll x’tip ta’ ikel dejjem kiel kif ukoll il-mod ta’ kif qatta’ ħajtu.
