Xeni Mitlufa – Tiftakruha Malta Hekk? 🥹✨
Meta timxi fit-toroq Maltin llum, faċli tinnota kemm inbidlet l-arkitettura tagħna matul is-snin. Meta tqabbel kif kienu jidhru 50 sena ilu mal-llum, xi bliet u rħula f’Malta, kważi saru mhux rikonoxxibbli.
Ħu l-Ħamrun pereżempju, jew aħjar “Strada Rjali” li darba kienet triq mimlija ħwienet żgħar u bejgħ t’għamara tradizzjonali. Illum, għalkemm għad hemm xi ħjiel tal-passat, ħafna mill-binjiet spiċċaw sostitwiti b’ħwienet u uffiċċini moderni. Il-pjazez antiki li darba kienu post ta’ ħajja soċjali għan-nies, illum isservu aktar bħala post fejn tipparkja l-karozza milli post ta’ rikreazzjoni.
Credits: Bay Retro
Imma mhux il-Ħamrun biss inbidel. Ejja nħarsu lejn il-Belt Valletta. Għal min jiftakarha kif kienet fl-antik, jew għad għandu xi ritratti, il-Belt kienet mimlija b’dawk li jissejħu balavostri tal-ġebel u gallariji tal-injam li jagħtu lil Belt karattru uniku. Illum, filwaqt li ħafna minn dawn l-elementi għadhom jeżistu, rajna bidliet kbar, toroq pedonali, lukandi lussużi, u ħafna bini ġdid li jagħti x-xena urbana tal-Belt dehra totalment differenti.
Credits: © Mary Evans Picture Library 2015
Għal min iħobb il-baħar, Sliema hija eżempju perfett ta’ kif inbidlet Malta. Darba, kien hemm biss ftit bini baxx u djar tradizzjonali fejn kienet tgawdi veduti tal-baħar kbir, imma issa tas-Sliema hija rikonoxxuta bħala ċentru urban, b’ bini mill-għola f’Malta. Iż-żieda ta’ torrijiet u bini residenzjali wasslet għal veduti li lanqas biss kont tistenniehom ftit snin ilu. Il-bajjiet ta’ Sliema, li kienu joffru mumenti ta’ serħan, issa huma mdawra b’bini għoli u lussuż.
Credits: Bay Retro
Dawn il-bidliet kollha juru kif Malta għaddiet minn evoluzzjoni radikali fl-arkitettura u l-pajsaġġ urbani tagħha. B’mod naturali, dawn il-bidliet ġabu magħhom konvenjenza moderna, imma wkoll naqas ħafna mill-karattru tal-madwar. Bl-immaġini nistgħu naraw ċar kif it-trasformazzjoni ta’ Malta hija parti integrali mill-istorja tagħna, u kif ser tkompli tinbidel fil-futur.
