Tifkiriet u memorji tal-ittri li konna nibagħtu!
Tiftakar il-ġranet meta l-ittri kienu l-uniku mod kif nibqgħu f’kuntatt? Kien hemm xi ħaġa maġika f’li toqgħod bilqiegħda bil-pinna u l-karta, taħseb sew dwar x’se tikteb. Mhux bħall-messaġġi fuq midja soċjali li jintbagħat fi ftit sekondi, sakemm mhux anqas, l-ittri kienu jieħdu l-ħin – biex tikteb, tibgħathom, u tirċievi risposta. Dik l-istennija għall-ittra kienet eċċitanti u kultant anki tħassibek.
In-nies kienu jiktbu dwar kollox: jaqsmu aħbarijiet tal-familja, jibagħtu messaġġi ta’ mħabba, jew sempliċiment jaġġornaw lil xi ħabib jew ħabiba. L-ittri kienu jintbagħu mill-qalb, mumenti personali, jew fjuri mnixxfin imdaħħlin ġewwa. Ma kienx hemm “backspace” jew “autocorrect” – kull kelma kienet intenzjonata, u kull żball kien tifkira ta’ mument partikolari.
U ejja ma ninsewx il-ferħ li ssib ittra fil-kaxxa tal-ittri! Il-kalligrafija, il-piż tal-karta, anki r-riħa – kollox kien jagħmel l-esperjenza aktar personali. L-ittri ma kinux biss komunikazzjoni; kienu tifkiriet, memorji ta’ mumenti maqsuma minn bogħod!
