L-Ewwel Produzzjoni Għal Netflix Minn Malta

Żgur li nnutajtu t-trailer tal-film L’Incredibile storia dell’Isola Delle Rose; produzzjoni li kienet iffilmjata b’mod estensiv f’pajjiżna ftit xhur ilu. Film ibbażat fuq storja vera ta’ inġinier li fl-1968 bena gżira 11- il kilometru ‘l barra mill-Italja u ddikjarah indipendenti.

Din kienet sfida diretta lill-awtorità tal-istat Taljan u kienet issemmiet ‘Repubblica dell’Isola delle Rose.

Ix-xeni fl-ilma u l-baħar inġibdu kollha fit-tankijiet tal-ilma tal-Malta Film Studios.

Il-film se jinħareġ fuq Netflix fid-9 ta’ Diċembru li ġej u ser ikun l-ewwel produzzjoni ta’ Netflix li nġibed f’ pajjiżna.