STRADA RJALI hija pjattaforma online Maltija li għandha l-għan li tilħaq lill-udjenza tagħha permezz ta’ kontenut interattiv u diskussjonijiet dwar kwalunkwe suġġett bla ma tħares lejn wiċċ ħadd.
L-isem “STRADA RJALI” ġej mit-tifsira ta’ triq prinċipali fejn isiru diversi attivitajiet. Bħala portal tal-aħbarijiet, naħdmu biex inżommu lill-udjenza tagħna infurmata dwar l-iżvilupp fl-istejjer u nipprovdulhom kontenut informattiv ippreżentat f’format uniku.
Taħt tmexxija ġdida STRADA RJALI m’għandha l-ebda affiljazzjoni politika., it-tim tagħna huwa impenjat li jmur lil hinn mis-sempliċi rapportaġġ iżda jesplora l-għaliex, fejn u kif.
Aħna kburin li nkunu il-pont bejn is-segwaċi tagħna u dawk li jixtiequ jaqsmu l-istejjer tagħhom jew jipprovdu informazzjoni ta’ importanza. Barra minn hekk, STRADA RJALI toffri opportunitajiet ta’ ħidma strateġika għal entitajiet kummerċjali. It-tim tagħna, b’esperjenza vasta, jipprovdi ideat ta’ kontenut li jirrispetta il-linja editorjali tagħna, filwaqt li joffri valur miżjud lil min jirreklama magħna kif ukoll lis-segwaċi. Aħna mhux biss noħolqu kontenut, iżda nippubblikaw rapportaġġ esklussivament li jagħmilna differenti, filwaqt li niggarantixxu ideat innovattivi.
B’iktar minn 7 snin esperjenza fil-qasam tax-xandir bħala producer u ġurnalista, jiena waħda mill-content creators ta’ STRADA RJALI. Dejjem nara li noħroġ b’ideat ġodda u li noħloq kontenut investigattiv, jittratta ġrajjiet kurrenti, li jqanqal diskussjoni, tbissima, ġid u jpoġġi l-interess uman fuq quddiem.
Ilni ‘l fuq minn għaxar snin fis-sales fejn matulhom mexxejt numru ta’ ħwienet. Li niltaqa’ mal-klijenti huwa wieħed mis-sodisfazzjoni li jagħtini dan ix-xogħol u li minnu tgħallimt u kbirt.
Għandi esperjenza wkoll fuq il-mezzi soċjali fejn naqsam kontenut kemm personali u anke dak sponsorjat ma’ aktar minn 8,000 segwaċi.
Sehemi fi STRADA RJALI huwa li noffri paketti ta’ reklamar anke forma ta’ kontenut kreattiv lill-klijenti u nibni relazzjoni magħhom biex jibqgħu jinvestu magħna.
Inħobb insiefer, enerġetika u l-ikel huwa parti kbira minn ħajti. Imħabba oħra tiegħi hija l-annimali.