Żagħżugħ Ta’ 24 Sena Jindarab Gravi F’Inċident Fil-Gżira

Żagħżugħ ta’ 24 sena li minn Raħal Ġdid, kellu jittieħed l-Isptar Mater Dei għax weġġa’ f’inċident tat-traffiku l-Gżira

Il-każ seħħ ilbieraħ, għall-ħabta tal-ħamsa ta’ waranofsinhar, il-Pulizija ġiet infurmata b’inċident tat-traffiku fi Triq ix-Xatt.

L-ewwel investigazzjonijiet juru li ġrat ħabta bejn vettura Alfa Rome Stelvio, misjuqa minn raġel ta’ 53 sena residenti Ħal Qormi, u mutur Honda CBR500RA, li kied qed jinstaq mir-raġel.

Ix-xufier tal-mutur ittieħed l-isptar b’ambulanza u ġie ċċertifikat li weġġa’ gravi.

L-investigazzjonijiet tal-Pulizija għadhom għaddejjin.