Araw Kif Tagħmlu L-Għadam Tal-Mejtin… Tal-Ikel Ta!
Tajbin immens. Fuq FLiving Karl u Romina Bonaci taw riċetta bnina u li anke tħares lejn ir-ritratt taqgħalek żaqqek! Ma tistgħux ma tagħmluhomx… Araw kif:
Metodu għall-mili:
Ħallat flimkien il-lewż mitħun u z-zokkor.
Ħabbat tajjeb il-bajd u żidu mat-taħlita tal-lewż.
Żid l-essenza tal-lewż u jekk ikun hemm bżonn żid ftit ilma (ħalli jkollok it-taħlita ratba).
Saħħan il-forn 180 grad.
Ferrex id-dqiq fuq il-mejda, iftaż l-għaġina.
Aqbad ftit mili u poġġieħ fuq l-għaġina u għalaq l-għaġina, rrumblah bħal zalzett twil. Qatta’ f’porzjonijiet żgħar u agħmel forma ta’ subgħa biex tiġi forma ta’ għadma.
Poġġi fuq karta forno u aħmi għal madwar 15-18 -il minuta.
Għall-għaġina tal-ħelu:
800 g dqiq-350 g marġerina.
350 g zokkor -qoxra maħkuka ta’ lumija
4 bajdiet – kuċċarina baking powder
ftit essenza tal-vanilla
Metodu:
Ħallat id-dqiq u l-marġerina flimkien sakemm it-taħlita tiġi qisha frak tal-ħobż. Żid iz-zokkor u l-qoxra tal-lumija. Ħabbat il-bajd u żidhom mat-taħlita. Żid l-essenza tal-vanilla u ħawwad sakemm ikollok għaġina ftit iebsa.
Agħmel l-għaġina forma ta’ ballun u ħallieha toqgħod għal madwar nofs siegħa.
Jekk tista’ tlesti l-għaġina ġurnata qabel, u ħallieha fil-friġġ.
