Jibda L-Malta International Organ Festival
Reġa’ wasal il-Malta International Organ Festival, din is-sena s-seba’ edizzjoni tieghu. Il-festival beda lbieraħ 20 ta’ Novembru u se jibqa’ għaddej sal-Ġimgħa 4 ta’ Diċembru. Il-pubbliku ser ikollu l-opportunità jmur fil-knejjes Maltin u Għawdxin biex ikun jista’ jisma’ uħud mill-aqwa mużiċisti jdoqqu xogħlijiet ta’ Beethoven, Bach, Vivaldi, Handel u kompożituri Maltin bħal Cefai, Camilleri, Vella, Muscat, Fenech u Pace.
Il-highlight ta’ dan il-festival hu kunċert mill-organista ċelebri Wayne Marshall fil-KonKatidral ta’ San Ġwann nhar il-Ġimgha 27 ta’ Novembru, fejn l-organista ser jimprovizza fuq temi mużikali tal-kompożitur Ġermaniż Ludwig van Beethoven, li din is-sena qed niċċelebraw 250 sena mit-twelid tiegħu.
Il-festival infetaħ b’kunċert vokali akkumpanjat mill-orgni fis-Santwarju tal-Madonna ta’ Pompei f’Marsaxlokk u llum is-Sibt ser nisimgħu lil Franco Cefai u lil Jason Camilleri ġewwa r-Rotunda tax-Xewkija bi programm għall-orgni u tromba.
Kunċert dedikat għal dawk li ghadom jibdew il-karriera mużikali ser isir fl-1 ta’ Diċembru ġewwa l-knisja tal-Ġizwiti l-Belt. Se jattendu wkoll iż-żewġ organisti li is-sena li għaddiet rebħu l-kompetizzjoni li saret għall-ewwel darba hawn Malta, organizzata mill-istess festival ġewwa l-Parroċċa tax-Xewkija.
Elizaveta Lobanova, li ser tinawgura r-restawr tal-orgni li sar minn Robert Buhagiar, ser iddoqq ġewwa l-Knisja ta S.Teraza f’Bormla is-Sibt 28 ta’ Novembru, u Lukas Hasler mill-Awstrija, ser idoqq ġewwa l-Balluta fit-2 ta’ Dicembru.
F’kunċert ieħor li ser isir fit-3 ta’ Diċembru ser jiġi esegwit xogħol ta Vivaldi għall-flawt u l-orgni.
L-għeluq ta’ dan il-festival ser jeħodna ġewwa l-Bażilika tal-Isla fejn ser jiġi ppreżentat kunċert vokali Natalizju minn Natalia Rakhmatulina fuq l-orgni u l-baritonu Joseph Lia, li huwa ukoll id-direttur artistiku ta’dan il-festival.
L-organizzaturi javżaw li din is-sena il-postijiet huma iktar limitati mis-soltu minħabba l-miżuri ta’ distanza soċjali li qed jiġu applikati fil-knejjes. Għall-programm sħieħ, wieħed għandu jżur is-sit www.
