Roberto Mancini Pożittiv Għall-Covid-19

Il-kowċ tat-tim nazzjonali Taljan Roberto Mancini ittestja pożittiv għall-Covid-19.  Dan ħabritu l-Assoċjazzjoni tal-Futbol fl-Italja l-FIGC fi stqarrija lbieraħ filgħaxija.

L-FIGC qalet li Mancini irriżultat pożittiv f’testijiet ta’ rutina li saru lill-istaff tekniku kollu qabel ma jibdew l-impenji internazzjonali.

Mancini m’għandu ebda sintomi u fil-fatt qed jiżola ruħu fir-residenza privata tiegħu f’Ruma.

L-Italja ser tilgħab partita ta’ ħbiberija nhar l-Erbgħa li ġej kontra l-Estonja bl-ewwel impenn fil-UEFA Nations League ikun kontra l-Polonja l-Ħadd 15 ta’ Novembru.

Ritratt: sempreinter.com