#TravelSmart: Għal Sewqan Aħjar u Inqas Traffiku
Travel Smart hija kampanja ta’ Transport Malta, fejn permezz ta’ diversi posters u filmati, qiegħda tħarreġ lis-sewwieq bl-għan li ġġibu iktar konxju ta’ kif jista’ jevita aċċidenti u/jew inkonvejenzi fit-toroq Maltin
Kif nafu, mijiet u eluf ta’ sewwieqa jqattgħu ammont sostanzjali ta’ ħin fil-karozza tagħhom. Għalhekk wieħed tajjeb ikun iktar attent għal ċertu dettalji li mhux biss jafu faċilment jeħilsuk minn xi traġedja, imma anki jkunu qed itejbu l-esperjenza tas-sewqan inġenerali, li anki jiffaċilita t-traffiku mhux biss għalik imma anki għas-sewwieqa l-oħra ta’ madwarek.
L-importanza ta’ #TravelSmart tmur anka lil hinn mit-toroq u s-sewwieqa u ssostni li s-sigurtà fit-triq hija importanti għax finalment anka tassigura s-sigurtà tal-passiġieri fil-karozza u anka ta’ dawk mixjin fit-toroq..
Kull ġimgħa, Strada Rjali ser tkun qed toħroġ waħda minn dawn is-serje #TravelSmart biex tippromwovi sigurtà aħjar fit-toroq aħjar, kemm għalik u kemm għas-sewwieqa ta’ madwarek.
