Bil-Filmat: Fl-1 Ta’ Jannar 2021 Andrea Bocelli Live Minn Malta
“Se nkanta 8 siltiet minn Malta għaliex in-numru 8 huwa sinifikanti hawnhekk”, qal Andrea Bocelli. Fl-1 ta’ Jannar 2021, fuq FLiving ser jixxandar live il-kunċert mit-tenur bravissimu Andrea Bocelli li nġibed f’Malta. Dan huwa proġett li sar b’kollaborazzjoni bejn il-Mediterranean Tourism Foundation u l-MTA.
Lura f’Novembru li għadda, il-midja lokali kienet xandret l-aħbar li Bocelli jinsab fostna fejn għall-bidu ma kinitx magħrufa r-raġuni tal-viżta tiegħu f’pajjiżna.
Dlonk inxterdet l-aħbar sabiħa li Bocelli għażel lil Malta għall-kunċert speċjali tiegħu li bih ser jagħti bidu għal proġett partikolari.
