Il-Kummissarju B’Ġest Sabiħ Mal-Ewwel Ċkejken Adottat F’Malta Minn Koppja Tal-Istess Sess

Madwar erba’ snin ilu, Ben l-ewwel tifel f’Malta li ġie adottat minn koppja tal-istess sess f’unjoni ċivili kien seraq il-qlub ta’ bosta Maltin u Għawdxin għas-simpatija tiegħu u għall-imħabba bla qies li tawh il-ġenituri tiegħu Steve u Kris.

Ben li huwa tifel bil-kundizzjoni tad-down syndrome llum għandu ħames snin. Fl-aħħar jiem huwa qatta’ nofstanhar mal-Kummissarju tal-Pulizija Angelo Gafa, uffiċjali mit-taqsima tal-klieb tal-K9 u tal-kavallerija bħala parti mill-programm tal-korp li jilħaq gruppi differenti fis-soċjetà.

Fi kliem il-Pulizija, Ben spiċċa serqilhom ix-xena u spiċċa jkun hu li jferraħhom bis-simpatija tiegħu. Dan kif filfatt jixhdu bosta ritratti sbieħ li tellgħu taċ-ċkejken Ben flimkien mal-klieb u ż-żwiemel tal-Pulizija.