Kunċert Fl-Inħawi Tax-Xwejni Minn Banda Għawdxija
Is-Soċjetà Filarmonika Santa Marija taż-Żebbuġ Għawdex organizzat kunċert mużikali b’differenza fl-inħawi tax-Xwejni f’Għawdex stess li se jkun qed jixxandar fuq TVM u TVM2.
Il-Kunċert jismu POP&PANS u kien parti minn numru ta’ inizjattivi biex ifakkru l-25 anniversarju mit-twaqqif tal-Banda fl-1995.
Il-Kunċert mużikali sar f’Settembru li għadda u tmexxa mid-direttur MRO. DR. JOSEPH GRECH mal-Kantanti mistiedna Corazon Mizzi u Neville Refalo.
Il-Kunċert mużikali bi produzzjoni esklussiva ta’ TVM ser jixxandar għada l-Ħamis 31 ta’ Diċembru fl-10: 30 p.m. fuq TVM2 u nhar il-Ġimgħa, l-1 ta ’Jannar, 2021 fis-7.30 a.m. fuq TVM bħala parti mill-iskeda ta’ programmi speċjali li l-istazzjonijiet nazzjonali qed iħejju għaċ-ċelebrazzjonijiet tas-sena l-ġdida.
