Tinqata’ S-Sentenza Għall-Qattiel Ta’ Shannon Mak

Jelle Rijpma nstab ħati bil-qtil tal-eks sieħba tiegħu Shannon Mak, u ġie kkundannat tletin sena ħabs, u multa ta’ madwar 30 elf ewro. Dan l-omiċidju seħħ sentejn ilu f’Santa Venera.

Minkejja li t-traċċi tad-demm fuq il-katavru ta’ Mak kienu jaqblu mad-DNA tal-akkużat, huwa ċaħad l-akkużi miġjuba kontrih għal aktar minn sena. Iżda imbagħad, f’Ottubru li għadda, huwa bidel il-verżjoni tiegħu u ammetta li kien l-agressur wara l-omiċidju tal-eks sieħba tiegħu.

F’Awissu tal-2018, Shannon Mak kienet instabet mejta fit-triq f’Santa Venera wara li qalgħet diversi daqqiet ta’ sikkiena.