Jum Il-Marsa Jiġi Ċċelebrat B’Filmat Li Juri 40 Niċċa Li Jinsabu F’Dan Il-Lokal

Is-17 ta’ Jannar jaħbat Jum il-Marsa. Din il-ġurnata bdiet tiġi ċċelebrata wara li fl-1581 il-Granmastru La Cassiere xtara l-fewdu tal-Marsa propju f’dan il-jum. Ta’ kull sena l-Marsin jiċċelebraw din il-ġurnata bil-kbir, iżda din is-sena l-pandemija ma ppermettietx dan. Minkejja dan, Il-Kunsill Lokali tal-Marsa fakkar dan il-jum permezz ta’ filmat dwar l-istorja tal-lokal, speċifikament dwar in-niċeċ li jinsabu fil-Marsa. Madwar il-Marsa wieħed isib madwar 70 niċċa, u 40 minnhom jidhru f’dan il-filmat.