L-Ewwel Anzjana Tingħata T-Tilqima Tal-Covid 19 F’San Vinċenz de Paule
Mary Pizzuto, residenta fil-Faċilita’ San Vinċenz de Paule, hija l-ewwel anzjana f’pajjiżna li rċeviet il-vaċċin tal-COVID-19.
Pizzuto għandha 94 sena u ngħatat il-vaċċin aktar kmieni llum fis-sala Ġwanni Pawlu II tal-Faċilità San Vinċenz de Paule.
F’kumment li għadda, il-Ministru għall-Anzjani u l-Anzjanità Attiva Michael Farrugia rringrazzja lill-frontliners kollha li kienu u għadhom jaħdmu qrib l-anzjani u lill-anzjani nfushom u awguralhom paċi, hena u fuq kollox, saħħa.
Apparti l-ewwel anzjana, illum se jkun hemm 40 anzjan/a oħra li se jkunu qed jingħataw it-tilqima, kif ukoll 15-il membru tal-istaff tar-Residenza San Vinċenz de Paule.
