Arrestat Wieħed Mill-Allegati Mħuħ Fl-Importazzjoni Tad-Droga Kannabis F’Malta…
Il-Pulizija Taljana arrestat wieħed mill-allegati mħuħ involuti fl-importazzjoni tad-droga kannabis lejn Malta minn Sqallija. Dan kien isir permezz tal-katamaran.
Dan intqal fi stqarrija tal-Guardia di Finanza ta’ Napli qalet li f’operazzjoni li nvolviet mal-200 uffiċjal ġew arrestati għoxrin persuna u kienet immirata fuq tliet familji sinonimi mal-importazzjoni u traffikar tad-droga fl-Ewropa.
Arrestat ukoll kien hemm Geremia Esposito, Naplitan ta’ 61 sena li kellu rabtiet kummerċjali ma’ Malta lura fiż-żmien. Esposito kellu ristoranti fil-Waterfront tal-Birgu u f’Wied il-Għajn.
Intqal li l-Pulizija Taljana spjegat li d-droga kienet titlaq primarjament mill-port ta’ Buonaventura fil-Kolumbja fejn imbagħad, id-droga kienet tintbagħat lejn l-Italja u Spanja.
Id-droga li kienet tasal f’Malta kienet tgħaddi minn Sqallija fejn imbagħad kienet titwassal lejn Malta moħbija ġo vetturi fuq il-katamaran.
F’din l-operazzjoni, il-Pulizija Taljana waqqfet ukoll 40 kilo oħra ta’ droga li kienet intenzjonata għas-suq lokali.
Jidher li minn fost dawk arrestati, 10 minnhom qed jinżammu arrestati ġewwa darhom.
Ritratt: https://www.21secolo.new
