Bernard Grech F’Laqgħa Ma’ Julie Zahra u Roselyn Borg Knight
“Għadni kif iltqajt ma’ Julie u Roselyn fid-Dar Ċentrali”, qal il-kap tal-oppożizzjoni Bernard Grech fuq il-midja soċjali, filwaqt li qal li dawn iż-żewġ kandidati ġodda huma “mimlija entużjażmu”.
Kemm Julie Zahra, kif ukoll Roselyn Borg Knight, ġew approvati lbieraħ mill-Eżekuttiv tal-PN sabiex jikkontestaw l-elezzjoni ġenerali f’isem l-istess partit.
“Il-Partit Nazzjonalista qed ikompli jiġġedded b’talenti varji li qed ikomplu jirrappreżentaw firxa wiesgħa tal-poplu Malti u Għawdxi biex meta jasal il-waqt ikun il-Gvern alternattiv tiegħek”, żied jgħid Dr Grech.
