Il-KE Tgħid Li M’Għandux Ikun Hemm Diskriminazzjoni Fiċ-Ċertifikati Diġitali

Il-Kummissjoni Ewropea qalet li ċ-ċertifikat diġitali sabiex l-ivjaġġar jerġa jaqbad ir-ritmu għandu jingħata liċ-ċittadini tal-Unjoni Ewropea mingħajr ma jkun hemm diskriminazzjoni.

L-għan huwa sabiex dawk kollha li ġew imlaqqma kontra l-COVID-19, jew li rriżultaw negattiv jew irkupraw mill-‘virus’, ikunu jistgħu jivjaġġaw fl-Unjoni Ewropea.

Skont BBC, se jkun f’idejn is-27 stat membru sabiex jiddeċiedu kif jużaw iċ-ċertifikat diġitali.

Uħud minn dawn il-pajjiżi opponew għaċ-ċertifikati fuq tħassib li dawn jistgħu ikunu diskriminatorji.