Maħsuda B’Kont Ta’ Pizza Li Ma Xtrawx
Bħal kull sena, għall-ewwel t’ April, ħafna jaħsbu f’mod kreattiv sabiex jagħmlu ċajta fuq ħaddieħor.
Aħna ta’ Strada Rjali ħriġna b’ċajta li l-kantant wisq maħbub Renato se jikkontesta l-elezzjoni ġenerali li jmiss, b’ħafna jemnu din iċ-ċajta u jagħmlu kuntatt mal-kantant.
Iżda kien hemm min li ċ-ċajta li ħareġ biha ma niżlitx għasel, bħalma ġralhom il-kumpanija Deliveroo.
Fl-ewwel jum t’ April, eluf ta’ nies li jagħmlu użu mis-servizz ta’ deliveries offrut minn Deliveroo fi Franza rċivew kontijiet foloz ta’ mijiet ta’ ewro f’pizza.
Ħafna kienu dawk li ma rawx l-aspett ċajtier ta’ din il-manuvra, u esprimew ir-rabja tagħhom fuq il-midja soċjali.
Fost dawn kien hemm Elies, li qal li għoddu tah stroke wara li rċieva kont ta’ €466 għal 38 pizza li hu qatt ma ordna.
Deliveroo viennent de me faire un poisson d’avril j’étais à 2 doigts de faire un AVC pic.twitter.com/qUFcZv9E0A
— El.ies (@hzinho_) April 1, 2021
Il-kont kien jinkludi isem il-klijent, u kif ukoll 50 pakkett ta’ hot sauce b’xejn.
Kienu ħafna dawk li ppanikjaw u pruvaw iċemplu lill-bank rispettiv tagħhom sabiex iwaqqfu l-ħlas.
Fuq Twitter, Deliveroo qalet li din kienet ċajta tard fil-jum tal-Ħamis.
Ritratt: Matthew Horwood
