Mietet Iz-Zija Ta’ Thomas Shelby – Attriċi Mill-Aqwa Fis-Sensiela Peaky Blinders
Mietet l-attriċi Helen McCrory, famuża għal partijiet li nterpretat fis-sensiela Peaky Blinders u l-films ta’ Harry Potter.
McCrory, li dehret ukoll fil-film ta’ James Bond bl-isem Skyfall, kellha 52 sena.
Ir-raġel tagħha Damian Lewis qal li jinsab b’qalbu maqsuma li qed iħabbar li wara battalja erojka kontra l-kanċer, Helen McCrory mietet fil-paċi fid-dar tagħha, imdawra minn ħafna mħabba ġejja mill-ħbieb u l-familja.
— Damian Lewis (@lewis_damian) April 16, 2021
Żied jgħid li hija mietet bħalma għexet – bla biża’. Lewis qal li huma jħobbuha ħafna u kellhom xorti kbira li hija kienet f’ħajjithom.
McCrory kienet attriċi versatili b’karriera fuq il-palk u fil-filma ta’ kważi 30 sena.
Iżda tibqa magħrufa l-iktar għal karattru ta’ Polly li hija interpretat f’Peaky Blinders bejn l-2013 u l-2019.
Ritratt: BBC
