Bħalissa: 4 Persuni Jsibu Ruħhom F’diffikulta’ Wara Qabżu F’Għar Fl-Aħrax Tal-Mellieħa
Bħalissa fl-għar magħruf bħala l-Coral Lagoon fl-Aħrax tal-Mellieħa għaddejja operazzjoni ta’ salvataġġ wara li 4 persuni qabżu jgħumu u sabu ruħhom f’diffikulta’.
Fuq il-post waslu membri tal-Forzi Armati ta’ Malta kif ukoll membri tal-Protezzjoni Ċivili biex jassistu lil persuni li huma barranin.
Fl-aħħar jiem fl-istess post kienu ġew salvati 3 persuni wara li ż-żona hija magħrufa għall-periklu li fiha għall-għawwiema.
