Bil-Filmat: Rita Tal-Conimex Titkellem Dwar Il-Kanċer Li Għaddiet Minnu
Rita Brincat tkellmet ma’ Ragnar Ciantar waqt il-podkast tiegħu u ddiskutiet bosta suġġetti interessanti. Magħrufa bħala Rita tal-Conimex fejn tenniet li l-passjoni tagħha huwa t-teatru u qalet li tħobb ħafna lil Shakespeare.
Miżżewġa lil Loreno l-Magician u tgħid li jekk ikollha opportunità, terġa’ titla fuq il-palk. Ilha tagħmel ir-riklami madwar 21 sena.
Bdiet tagħmel dawn ir-riklami b’kumbinazzjoni għaliex ir-raġel tagħha kellu jsiefer u spiċċat tagħmel ir-riklam hi. Dakinhar tant marrulha nies fil-ħanut li baqgħet impressjonata.
Araw l-intervista sħiħa fejn anke tkellmet dwar il-marda tal-kanċer; fejn illum tagħti sapport lil ħaddieħor.
