Bil-Filmat: ‘Qalb Ta’ Ljun’ – Il-Pandemija Ma Twaqqafhomx Milli Jfakkru…
In-nuqqas ta’ festa kompluta għal sena oħra sforz pandemija, ma waqqafx lis-Soċjetà Mużikali Beland milli tibqa’ għaddeja b’ ħidmietha; anke biex din is-sena tfakkar tliet anniversarji ta’ 160 għall-Banda Beland, 30 sena għas-Sezzjoni Partitarji u 10 snin għall-Kummisjoni Nar.
Bħala parti minn dak pjanat, tnediet il-kanzunetta ġdida ‘Qalb ta’ ljun’ miktuba mill-membru attiv fl-istess Soċjetà, Jonathan Bondin. Hija kanzunetta fl-istil kurrenti EDM (Electro Dance Music) u b’lirika b’saħħitha, kantata mill-kantanti stabbiliti Jasmine u Kevin Paul, b’parti ‘rap’ kantata minn Kapitlu Tlettax u bis-sehem tal-Vjolinista Maria Cini.
B’mod differenti mis-soltu, t-tim involut nieda din il-kanzunetta u l-vidjo mużikali tagħha f’avveniment privat ġewwa l-Eden Cinemas qabel ma ġew ippubblikati online. Tista’ ssib din il-kanzunetta fuq Spotify jew is-sit belandband.com/weroar, u tista’ ssegwi l-vidjo mużikali fil-paġna BELAND fuq Facebook.
