Bil-Filmat: Evelyn Chircop Tirrakonta L-Wasla Tal-Konvoj Ta’ Santa Marija
Evelyn Chircop irrakuntat il-ħajja fi żmien it-Tieni Gwerra Dinjija kif ukoll meta wasal il-Konvoj ta’ Santa Marija f’Malta.
Illum Evelyn għandha 87 sena u meta bdiet il-Gwerra kellha biss 6 snin. Qalet li l-esperjenza tat-twaqqiegħ tal-bini mill-bombi kienet waħda terribbli. Malta kienet qed tbati l-għaks. Spiċċa l-qamħ. Fjuwil xejn. Ħobż qisu ġebel imma kienu jiekluh għax kienu mejtin ibl-ġuħ. Kos hux?!
Din hija waħda mill-kullana ta’ produzzjonijiet interessanti li spiss qed naraw jittellgħu mill-Malta Audio Visual Memories fejn b’filmati, jieħdu lill-pubbliku f’Malta u Għawdex ta’ dari.
Il-filmat sar minn Jesred Bezzina. It-tim tal-produzzjoni kien kompost minn: George Aquilina, Jesred Bezzina, Luke Camilleri, Ruby Bondin, Manuela Camilleri u Antoine Faure.
Araw x’qalet is-Sinjura Evelyn Chircop.
