Il-President George Vella F’Laqgħa Privata Ma’ Rappreżentanti Tal-Familja Caruana Galizia
Fi stqarrija maħruġa ftit tal-ħin ilu mill-Uffiċċju tal-President ġie kkonfermat li l-President ta’ Malta George Vella u s-Sinjura Miriam Vella aktar kmieni llum iltaqgħu ma’ rappreżentanti tal-familja Caruana Galizia, f’forma privata, fil-Palazz ta’ Sant’Anton.
Ma ngħatat l-ebda informazzjoni dwar dak li ġie diskuss f’din il-laqgħa.
Din il-laqgħa saret ġimgħa wara li bord ta’ inkjesta indipendenti dwar l-assassinju tal-ġurnalista Daphne Caruana Galizia sab lill-Istat responsabbli għall-assassinju tagħha.
Ilbieraħ il-Prim Ministru Robert Abela kellu laqgħa privata wkoll mall-familja Caruana Galizia.
